كشف خالد بيبو مدير الكرة السابق بالنادي الأهلي، تفاصيل رحيله عن منصبه بنهاية الموسم الماضي.
وقال خالد بيبو في تصريحات متلفزة: “محمود الخطيب هو من أبلغني برحيلي عن منصب مدير الكرة، والجلسة لم تستغرق دقيقتين”.
وأضاف: “مشكلة خالد الجوادي إنه كان قبل ما يعمل مترجم لكولر فهو كان مشجع للفريق فكان أوقات بيتصرف بالعقلية دي”.
وتابع بيبو: “كلمته كذا مرة قبل كده وقولتله كدة مش هينفع إنت دلوقتي راجل مسؤول والكلمة اللي بتطلع منك ليها تمن، والموضوع ده في تفاصيل كتير ما أعلنتش وأنا مش هينفع اقولها دلوقتي”.
واستطرد: “الكواليس اللي بتطلع من أوضة اللبس دي حاجة معروفة عبر كل الأجيال”.
وأتم: “الجيل اللي قبلي كان بيحصل فيه كدة ولما إحنا كنا بنلعب كان نفس الكلام، وإنت مش هتقدر تسيطر على الوضع كامل بنسبة 100%”.
