علقت نيرة الأحمر، عضو مجلس إدارة نادي الزمالك، على واقعة سخرية حسين الشحات لاعب الأهلي من خوان بيزيرا لاعب الزمالك، مؤكدة أن مثل هذه التصرفات لا تليق بالروح الرياضية.
وقالت نيرة الأحمر: “ليه بتدخل نفسك في حتة ملهاش لازمة؟ ما هو أنت لاعب مصري وده لاعب أجنبي، وممكن أي تصرف يتاخد ضدك بشكل رسمي.”
وأضافت: “ممكن اللاعب يشتكي لسفارته، وساعتها السفارة تتدخل ويحصل لك مشكلة كبيرة، وده شبه اللي حصل قبل كده مع الشيبي.”
وتابعت: “إيه يا جماعة، أنتم كده أعداء نفسكم. أنا بتكلم من باب المصلحة العامة وبعيدًا عن أي انتماءات أو حساسيات.”
واختتمت عضو مجلس إدارة الزمالك تصريحاتها قائلة: “التنمر مرفوض تمامًا، وده في الدين حرام، وعيب على أي لاعب مسلم بيصلي إنه يعمل كده.. فين الروح الرياضية اللي المفروض تكون بينكم؟”
