هاجم وليد صلاح الدين، مدير الكرة بالنادي الأهلي، الشائعات المتداولة خلال الساعات الأخيرة بشأن رفض المدير الفني الجديد، الدنماركي ياس سوروب، استمراره في منصبه داخل القلعة الحمراء.
وقال وليد صلاح الدين في تصريحات لقناة النادي الأهلي: “فيه لعيب كورة قديم وإعلامي بيقول إن مستر ياس سوروب مش عايز مدير كورة! يا جماعة، أنا اللي متكلم معاه بنفسي، هو أي كلام كده يتقال وخلاص؟!”.
وتابع: “اللي بيحصل ده ناس بتدور على التريند، والسوشيال ميديا بقت مليانة كلام مالوش أساس، لأن مجرد ذكر اسم الأهلي بيجذب الناس كلها، وده طبيعي لأن الأهلي اسم كبير ومؤثر”.
ووجّه وليد صلاح الدين رسالة لجماهير القلعة الحمراء قائلاً: «رسالتي لجمهور الأهلي الحقيقي: خدوا المعلومة من قناة النادي والمركز الإعلامي، لأن 90% من اللي بيتقال على السوشيال ميديا مجرد شائعات، وأنا بطلع أتكلم علشان أوضح الحقيقة».
يُذكر أن النادي الأهلي كان قد أعلن تعيين الدنماركي ياس سوروب مديرًا فنيًا للفريق الأول خلفًا للإسباني خوسيه ريبيرو، الذي تمت إقالته بعد تراجع النتائج مؤخرًا.
