كشف آدم محمد صبري، نجل نجم الزمالك ومنتخب مصر الراحل محمد صبري، عن تفاصيل اللحظات الأخيرة في حياة والده، مؤكدًا أنه لم يكن يعاني من أي أمراض قبل الوفاة المفاجئة.
وقال آدم في تصريحات متلفزة: “والدي يوم الوفاة كان بيشتكي وهو عندي، علشان كده ما راحش للدكتور. الساعة 3 العصر كان عندي تدريب.. هو وصلني ورجع، وبعدها نزل وسلمت عليه قبل ما أمشي.”
وأضاف: “والدي كان بصحة جيدة ومفيهوش أي حاجة. دايمًا كان يقولي: خلي بالك من أهلك واخواتك، أنا مش هفضل عايش لك طول العمر.”
وأوضح آدم أن والده لم يكن يرغب في أن ينضم لنادي الزمالك فقط لأنه نجله: “هو مكنش عايز يوديني النادي عشان أنا ابنه.. لكن لأنه شايف إن مستوايا يستحق اللعب في الزمالك.”
واختتم: “بلعب في مركز الظهير الأيسر، وطريقتي في الملعب قريبة جدًا من طريقة لعب والدي.. وبشبهه في كل حاجة جوه الملعب.”
