عبر ناصر ماهر، صانع ألعاب نادي الزمالك، عن استيائه الشديد، بعد استبعاده من قائمة منتخب مصر الأول لكرة القدم ضمن استعدادات معسكر شهر نوفمبر، والذي ينطلق فى الفترة من 10 إلى 18 نوفمبر الجاري بالإمارات.
وكتب ناصر ماهر، عبر حسابه الشخصي على إنستجرام، أنا آسف إني بنزل الكلام ده، لأنه مش طبعي خالص، بس بصراحة الوضع محبط جدا بالنسبة لي بسبب قائمة منتخب مصر.
وأضاف لاعب نادي الزمالك، بكل صدق، أنا شايف إني أستحق أكون متواجد على الأقل ضمن المنتخب، خصوصا إن الموضوع واضح إنه مش فني خالص، لأن كل النقاد والمحللين والصحفيين والجماهير المصرية حتي الناس العاديه بيتكلموا كويس جدا عن أدائي في الفترة الأخيرة.
واختتم ناصر ماهر، بصراحة، اللي حصل ظلم ظلم كبير جدًا، وده مالوش علاقة بالكورة، المجهود اللي بذلته كله يروح كده على الفاضي، وأحلامي تضيع بكل سهولة كأنها حاجة عادية، رغم إني عملت كل اللي المفروض أعمله، بجد حرام، اللي بيحصل ده يحبط أي جبل.
وأعلن الجهاز الفني لمنتخب مصر الأول لكرة القدم بقيادة حسام حسن ، قائمة اللاعبين المختارة لمعسكر شهر نوفمبر والذي ينطلق في الفترة من 10 إلى 18 نوفمبر الجاري بالإمارات.
وجاءت قائمة المنتخب كالتالي: محمد الشناوي، أحمد الشناوي، محمد صبحي، مصطفى شوبير، محمد هاني، محمد حمدي، أحمد فتوح، رامي ربيعة، خالد صبحي، حسام عبد المجيد، محمد إسماعيل، مروان عطية، حمدي فتحي، مهند لاشين، محمد شحاتة، محمود صابر، محمود حسن تريزيجيه، إبراهيم عادل، مروان عثمان، عمر مرموش، أحمد سيد زيزو، محمود عبد الحفيظ زلاكة، ومحمد صلاح، أسامة فيصل، صلاح محسن، ومصطفى محمد.
