فجر الإعلامي أحمد شوبير مفاجأة بعدما كشف إن محمد الشناوي بيشارك في مباريات الأهلي ومنتخب مصر وهو مصاب من الأساس.
وأكد إن الحارس بيعاني من إصابة عضلية مزدوجة في السمانة والضامة، وده نوع إصابات محتاج راحة مش مُسكنات وكمل يا بطل.
شوبير شدد إن المجازفة بمشاركة الشناوي دلوقتي ممكن تبقى ثمنها غالي، خصوصًا إن مركزه حساس وأي خطأ فيه الدنيا بتولع.
وقال إن الضغط الجماهيري والإعلامي على الحارس هيبقى مضاعف، ولو غلط غلطة صغيرة هيتصلب ويتشوى على السوشيال ميديا.
واختتم برسالة واضحة: الحفاظ على الشناوي أهم من أي مباراة.. لأنك لو خسرته النهارده، مش هتلاقي حد ينقذك بكرة.
